SALMOS 18:21-25

²¹Nijtoquilijtoc iojhui TOTECO huan amo nimoiyocacajtoc ten ya.

²²Niquelnamictoc nochi icamanal huan amo quema nijcajtejtoc itanahuatil.

²³Xitahuac niitztoc iixpa. Nimoiyocatalijtoc ten nochi cati fiero.

²⁴Huan TOTECO nechtaxtahuijtoc quej quinamiqui ica cati cuali nijchijtoc, pampa quiitztoc para cuali nonemilis iixpa.

²⁵TOTECO, tiquinicnelía huan tiitztoc temachti ica cati teicnelíaj huan cati temachme. Tiitztoc cuali ica cati quihuejcacahua tajtacoli.