SALMOS 17:4-14

⁴queja quichihuaj ne sequinoc. Na nimoiyocatlalijtoc tlen nopa iniojhui tlen ax cuajcualme. Nijchijtoc senquistoc queja quiijtohua motlanahuatil.

⁵Nijtoquilijtoc moojhui huan ax nihuetztoc ipan tlajtlacoli.

⁶Nimitznojnotza, noTeco Dios, pampa nijmati tinechnanquilis. Xinechtlacaquili huan xinechchihuili cuenta.

⁷Xinechnextili moteicnelijcayo tlen yejyectzi. Taja tiquinmaquixtía ica mochicahualis tlen motemachiyaj ipan ta.

⁸Xinechmocuitlahui queja se quimocuitlahuía iixsitlal. Queja se piyo quintlatía ipilconehua ieltlapaltzala, nojquiya queja nopa xinechmocuitlahui.

⁹Xinechtlati tlen nopa ax cuajcualme tlen nechyahualojtoque para nechmictise.

¹⁰Nelía mocualnequij huan quema camatij, san mohueyimatij.

¹¹Nechtoquilijtinemij campa ninentinemi huan san quichiyaj nopa tlalochtli quema huelise nechmajcahuase tlalchi.

¹²Inijuanti itztoque queja tecuanime tlen tlahuel mayanaj huan quinequij tecuase, huan motlatijtoque tlacoyoijtic para quema se tlacatl panos.

¹³Ximotlalana, TOTECO, xiquinnamiquiti. Xiquinchihuili ma motlancuaquetzaca moixtla. Ica momachete, xinechmanahui tlen nopa ax cuajcualme.

¹⁴Ica mochicahualis, TOTECO, xinechmaquixti ininmaco inijuanti tlen san quipiyaj tlen eltoc ipan ni tlaltepactli. Tijmiyaquilijtoc tlen iniaxca nica. Nojquiya xiquinmaca miyac tlatzacuiltili hasta mocahuas para ininconehua.