Salmos 17:2-9

²Be̱nna lataj xelá'a lau' chee̱ guchi'u chia', lawe' da dxelé'enu' xúgute̱ cáte̱ze zaj naca na.

³Lue' dxenná' xánniu' xichaj lázrdawa' ne dxelé'enu' neda' chizrela. Gunná' xánniu' da dxuna', na' quebe bi da cale̱la blé'enu'. Ba nuna' quebe bi dizra' cale̱la nnia'.

⁴Dxuzúa' dizra' ca naca da dxennáu', na' quebe dxuna' ca da dxelún benne' we̱n da zrinnaj ca'.

⁵Bxue neda' lu neza chawe' chiu', chee̱ quebe cheajcházia' lu da cale̱la.

⁶Dxuláwizra' Lue', Dios, lawe' da dxennu' chi'a. Bze̱ naga chi'a, na' bene da dxennía'.

⁷Ble'e ca dxexache lázrele̱'u bénneache. Bselá benne' ca' dxuluxrén lazre̱' Lue' lu na' benne' dxeledábague̱' le̱'.

⁸Bxue neda' ca dxun benne' dxuxúe̱' xiaj lawe̱'. Gude̱zre neda' ca dxun bedxuj dxé̱zreba' zrí'ineba' zran xrílaba'

⁹chee̱ quebe bi xelún chia' benne' ca' dxelune̱' da cale̱la, benne' dxeledábague̱' neda', ne dxelaca lazre̱' xelútie̱' neda'.