SALMOS 16:1-7

¹Techmocuitlahui, Toteco Dios, pampa ipan ta nimotemachijtoc para techmanahuis.

²TOTECO, na nimitzilhuijtoc: “Ta tinoTeco huan amo aqui seyoc catli huelis nechpalehuis.”

³Niquinicnelía inijuanti catli mitzneltoquilíaj catli itztoque ipan nopa tlali. Inijuanti catli nelía yejyectzitzi ininyolo.

⁴Pero mojmostla más motequipachose masehualme catli quintoquilíaj sequinoc inintlaixcopincayohua. Na amo quema nijtencahuasquía se tlacajcahualistli iniixpa inintotiotzitzi, niyon amo quema niquintocaxtisquía.

⁵San ta, TOTECO, nimitzpixtoc, yeca ayacmo tleno nijtemos. Ta techmaca nochi notlacualis huan noa catli nechmonequilía para niitztos. Nonemilis huan nochi catli nijpixtoc eltoc momaco huan nijmati nelía temachtli.

⁶Nopa mecatl catli ica techtlatamachihuili campa nijselijtoc huetzqui campa nelía cuali tlali. Nelía tlayejyectzi campa techmacatoc.

⁷Nimitzhueyichihuas, TOTECO, pampa techconsejomaca. Tlajco yohual techmaca motlalnamiquilis huan technextilía ipan noyolo tlaque monequi nijchihuas.