Salmos 148:1-14

¹¡Apanllee yaseengints! ¡Ichingarus yuwis íwar taakis anis, kanindamand zunganeengints! Ungirtangints.

²¡Siysa Apanllis wasundururis kurakareetsis seengints; ungirtangints!

³¡Zartamtis, tsupitamtis, Apanllee seengints, ungirtangints! Siy ichingarus yuwis íwar sunlleerutarus kurakurtangatis, tsangachis, irunlltamtis anis, Apanllee ungirtangints. Seengints.

⁴Kanindawtamtis kawambanaris kungutamtis yuwis kanindap iwaz taakis anis, ¡Apanllee ungirtangints; seengints!

⁵Apanllee Taarashipanee ¡Seengints; ungirtangints! Watam siyaa amb ashichpa átu, kamachtambeeru, íwar waana tinambayaru, mbam wayambaranguwa.

⁶Urutamari taachpa, tárangu, ¿Waa kuk chakaja michitach tayutaritach?

⁷Mishat, ichingarus yuwis tsapurunasis taakis anis ¡Apanlleetsi seengints; ungirtangints! Marshuchis kapungumashis, yuwis kungush watareewis imurishuw taakis anis, Apanllee ungirtangints.

⁸Siysa mamartamtis, sin kachizamashtamtis, Sírinuwtamtis, Apanllee ungirtangints. Kambusurutam, yuw Apanll kamachtaku, kukoo tuminkis anuwis, Apanllee ungirtangtsa.

⁹Macheew íwaritamtis, manginawtamtis, yasinawis, Ichingarus karipanawis, yasinawtamtis wanuseewtamtis. Apanllee ungirtangints.

¹⁰Wakarawtam, chinuzeewtamtis, manginshuchitamtis, kpurangamasheewis, pshiyrataru anuwtamtis, Apanllee ungirtangints.

¹¹Mishat, siysa tsapurunastamtis urkaris tiptsirpatatis anis, yaktashtam urkaris, misha yaktashucheewis tputsis,

¹²kamuzini, kizawtamtis, kanungaseewtamtis, kamasinawtamtis, wachinawtamtis, ichingaru ztaru tsapurunasshuchis,

¹³¡Apanllee Taarashipanee yaseengints; shambatangtsa! ¡Uwamari kasiru kanindaatstam, mishat tsapurunaseetstam ksutkiya! Taarashipan nllitarita arang wanindaja.

¹⁴Iyaa Israelchichini waana tiptsireem ipusarangu, iyaatssha uru tuwizpurtakiya. Ashiri iysha uru Apanllee chinakuni ungirtakuri taachiniya. ¡Apaa Taarashipani shiy kizpurtishcha!