SALMOS 143:4-11

⁴Nelía senquisa nimoyoltequipachohua, hasta ayecmo nijmati taya nijchihuas.

⁵Niquelnamiqui quenicatza eltoya ipan nopa tonali cati panoc. Nimoyolilhuía ten nochi huejhueyi tamanti cati tijchijqui.

⁶Yeca nimomatanana moixpa huan nimitztemohua. Ipan noyolo tahuel nimitznequi quej se tali cati huactoc quinequi at.

⁷TOTECO, nimantzi technanquili pampa tahuel nitaijyohuía ipan noyolo. Amo ximoicancuepa ten na para amo nimiquis.

⁸Ica ijnaloc, technextili motaicnelijcayo, pampa ipan ta nimotemachijtoc para techmocuitahuis. Technextili nopa ojti cati monequi nijtoquilis, pampa san ta nimitzilhuía cati eltoc ipan noyolo.

⁹TOTECO, techmanahui ten nocualancaitacahua, pampa ipan ta nimotemachía para amo teno nopantis.

¹⁰Techmachti ma nijchihua cati ta tijnequi pampa ta tinoTeco Dios. MoTonaltzi ma nechyacana campa cuali ojti.

¹¹TOTECO, techmaquixti para ma monexti mohueyitilis. Techquixti ten ni taijyohuilisti pampa ta tijchihua cati xitahuac.