SALMOS 143:2-7

²Amo ximochihua quej se juez huan techtajtolsencahua, pampa moixpa ta amo aqui se masehuali cati itztoc xitahuac.

³Nocualancaitacahua nechtepotztocatoque huan nechitzquijque. Nechtahuisojque huan nechchihualtíaj ma niitzto ipan tzintayohuilot quej cati ya mictoque.

⁴Nelía senquisa nimoyoltequipachohua, hasta ayecmo nijmati taya nijchihuas.

⁵Niquelnamiqui quenicatza eltoya ipan nopa tonali cati panoc. Nimoyolilhuía ten nochi huejhueyi tamanti cati tijchijqui.

⁶Yeca nimomatanana moixpa huan nimitztemohua. Ipan noyolo tahuel nimitznequi quej se tali cati huactoc quinequi at.

⁷TOTECO, nimantzi technanquili pampa tahuel nitaijyohuía ipan noyolo. Amo ximoicancuepa ten na para amo nimiquis.