SALMOS 142:2-7

²Ḻawo' Le' žawa' ẕia che da' žak chia'. Ḻawo' Le' ẕḻoe'ela' že' zedla' neda'.

³Kate' že' ḻáẕda'wa' zedḻe'e, Le', X̱ana' Dios, nnezlo' da' žaken chia'. Wlékgake' to do yeḻj ḻo x̱neza', nich senen neda'.

⁴Ẕwia' kwitla', san bi zoa no benne' gákḻene' neda'. Bi zoa no benne' gape chi'ikze' neda'. Bi zoa no benne' kwi'e wnné yoe chia' neda'.

⁵Žḻiža' Le', X̱ana' Dios, ẕnnia': “Žx̱en ḻaža'a tozo' Le'. Tozo' Le' žaz ḻaža'a ḻo yežlyó nga.

⁶Benle da' žḻiža' Le', dan' ẕzáka'ḻi'a. Beslá neda' ḻo na'gak benne' ka' ẕbia ḻáže'gake' neda', na' zej nakže' waḻe ka neda'.

⁷Bebéj neda' ḻo da' žaken chia' nich gak we ḻawa' Le'. Benne' chawe' ka' chéchjgeke' neda' kate' gon chawo'o neda'.”