SALMOS 13:1-6

¹TOTECO, ¿hasta quema techelcajtos? ¿Ayecmo quema techelnamiquis? Nijmati techcuanecatatilía quema nimitztemohua.

²¿Hasta quema nijpiyas tequipacholi ipan noyolo huan noyoltzi taijyohuijtinemis? ¿Hasta quema nocualancaitaca noja nechtanis?

³Techtachili huan technanquili, TOTECO. ¡NoTeco Dios! Techmaca taahuili para nitachiyas ipan ni tzintayohuilot huan amo nimiquis.

⁴Amo xijcahuili nocualancaitaca ma quiijto nechtanqui. Amo techcahuili ma nihuetzi para amo nechhuetzquilise inijuanti cati nechcualancaitaj.

⁵Na nimotemachijtoc ipan moteicnelijcayo cati huejcahua para nochipa. Nipaqui ipan noyolo pampa techmaquixtijtoc.

⁶Nihuicas para ta, TOTECO, pampa miyac cati cuali techchihuilijtoc.