SALMOS 137:2-5

²Tiquintlahuelcajtoyaj toarpas huan tiquincuapilojtoyaj ipan ininmacuayo nopa cuatini.

³Ax hueliyaya tihuicaj. Pero inijuanti tlen techhualicaque ica fuerza ipan inintlal, techtlajtlanijque ma tihuicaca ica paquilistli nopa yejyectzitzi huicatl tlen tihuicayayaj quema tiitztoyaj ipan altepetl Jerusalén.

⁴Pero ax tihuelque. Ax hueli tihuicase se huicatl para Toteco ipan sejcoyoc ica tlacame tlen ax tiquinixmatij.

⁵Intla niquilcahuasquía altepetl Jerusalén, ma quipolo ichicahualis nonejmatl, huan ma ayoc huelis quitzotzonas nopa arpa.