SALMOS 137:1-7

¹Ipan tlali Babilonia timosehuiyayaj iteno atemitl, huan timochoquiliyayaj, pampa tiquelnamiquiyayaj altepetl Jerusalén, huan quenicatza onpano cuali elqui.

²Tiquintlahuelcajtoyaj toarpas huan tiquincuapilojtoyaj ipan ininmacuayo nopa cuame.

³Amo hueliyaya tihuicaj. Pero inijuanti catli techhualicatoyaj ica fuerza ipan inintlal, techilhuijque ma tihuicaca ica paquilistli nopa yejyectzitzi huicatl catli tihuicayayaj quema tiitztoyaj ipan altepetl Jerusalén.

⁴Pero amo tihuelque. Amo hueli tihuicase se huicatl para Toteco ipan seyoc tlali ica masehualme catli amo tiquiniximatij.

⁵Sintla niquelcahuasquía altepetl Jerusalén, ma quipolo ichicahualis nonejmac, huan ma ayacmo huelis quitzotzonas nopa arpa.

⁶Sintla ayacmo niquicnelisquía Jerusalén catli techpaquilismaca, xijcahua nonenepil ma tlatzqui ipan nocamachal para ayacmo nihuicas.

⁷TOTECO, amo xiquelcahua catli nopa tlali Edom ehuani quiijtojque, quema nopa soldados tlen tlali Babilonia quisosolohuayayaj altepetl Jerusalén. Inijuanti quiijtohuayayaj: “Xijsosoloca nopa altepetl hasta campa tlatzquitoc.”