SALMOS 136:1-23

¹¡Le wká'n ẕen X̱anžo Dios, Benne' chawen'! Zóateze yeḻa' žeyache' ḻaže' chie'.

²¡Le wká'n ẕen Dios, Bennen' nákḻe'eže' ẕen ka zej nak dios chegak benne' zi'to' ka'! Zóateze yeḻa' žeyache' ḻaže' chie'.

³¡Le wká'n ẕen X̱anžon', dan' nákḻe'eže' ẕen ka zej nak x̱angak benne' zi'to' ka'! Zóateze yeḻa' žeyache' ḻaže' chie'.

⁴¡Le wká'n ẕen toze' Ḻe' dan' žone' yeḻa' wak ẕen ka'! Zóateze yeḻa' žeyache' ḻaže' chie'.

⁵¡Le wká'n ẕen Ḻe', dan' benkze' ya'abá ḻen yeḻa' žejní'il chie'! Zóateze yeḻa' žeyache' ḻaže' chie'.

⁶¡Le wká'n ẕen Dios, Bennen' bzoe' yežlyó ḻawle nisdo'! Zóateze yeḻa' žeyache' ḻaže' chie'.

⁷¡Le wká'n ẕen Dios, Bennen' bene' wbíž, na' byo'! Zóateze yeḻa' žeyache' ḻaže' chie'.

⁸Bene' Ḻe' wbíž nich wsa'nín' te ža. Zóateze yeḻa' žeyache' ḻaže' chie'.

⁹Bene' byo', na' belj ka' nich wsa'ní'gaken žel. Zóateze yeḻa' žeyache' ḻaže' chie'.

¹⁰¡Le wká'n ẕen Dios, Bennen' bete' bi' byo nežw ka' chegak benne' Egipto ka'! Zóateze yeḻa' žeyache' ḻaže' chie'.

¹¹¡Le wká'n ẕen Dios, Bennen' bebeje' benne' Israel ka' ḻo yežlyó Egipton'! Zóateze yeḻa' žeyache' ḻaže' chie'.

¹²Bchi'e ḻégake' ḻen yeḻa' wak ẕen chie'. Zóateze yeḻa' žeyache' ḻaže' chie'.

¹³¡Le wká'n ẕen Dios, Bennen' ben chople' Nisdo' X̱na! Zóateze yeḻa' žeyache' ḻaže' chie'.

¹⁴Bene' ga bdegak benne' Israel ka' gachj ḻawle nisdon'. Zóateze yeḻa' žeyache' ḻaže' chie'.

¹⁵San bene' ga bkache' nisdon' Faraón, benne' wnná bi'e benne' Egipto ka', benne' ka' žjake' ḻo wdiḻe. Zóateze yeḻa' žeyache' ḻaže' chie'.

¹⁶¡Le wká'n ẕen Dios, Bennen' bchi'e benne' chie' ka' ladjw latje dach! Zóateze yeḻa' žeyache' ḻaže' chie'.

¹⁷¡Le wká'n ẕen Dios, Bennen' bete' benne' wnná bia' ka'! Zóateze yeḻa' žeyache' ḻaže' chie'.

¹⁸Bete' benne' wnná bia' waḻe ka'. Zóateze yeḻa' žeyache' ḻaže' chie'.

¹⁹Bete' Sehón, bennen' wnná bi'e benne' amorreo ka'. Zóateze yeḻa' žeyache' ḻaže' chie'.

²⁰Bete' Og, bennen' wnná bi'e benne' yež Basán ka'. Zóateze yeḻa' žeyache' ḻaže' chie'.

²¹Bdie' yežlyó chegak benne' ka' ḻo na'gak benne' chie' ka'. Zóateze yeḻa' žeyache' ḻaže' chie'.

²²Bneẕjwen' chegak benne' Israel ka', benne' wen žin chie' ka'. Zóateze yeḻa' žeyache' ḻaže' chie'.

²³Žejsá' ḻaže'e žo'o kate' ẕdíḻ-ḻengak benne' ka' žo'o. Zóateze yeḻa' žeyache' ḻaže' chie'.