Salmos 132:11-16

¹¹Tayta Diosmi Davidta auniran. Aunishantaga manami cutiricongachu. Aunir niran: «Gampita mirar aywajllami ruquiqui ray canga.

¹²Parlacushanchïta wamrayquicuna cumliptenga yachachinäpaj caycaj laycunata cumliptenga paycunapa wamrancunapis rucar rucarmi imaycamapis ray caycanga.»

¹³Tayta Diosmi acrasha Sión lömataga. Chaycho tiyananpämi acrasha.

¹⁴Tayta Diosmi niran: «Cay jircachömi imaypis caycäshaj. Caychömi tiyashaj. Cay partimi noga tiyanäpäga alli casha.

¹⁵Caycho carmi micuynincunamanpis bindisyunta churashaj. Pishipacoj pobricunatapis micuyta tarichishaj.

¹⁶Cürancunaga munashäno cumlishpan allita ruranga. Wiyacamajcunana cushicuypita gaparpanga.