SALMOS 129:4-8

⁴Pero TOTECO yajaya nelía xitlahuac, quicotonqui nopa tepos cadenas tlen ica techtatacatzohuayayaj nopa tlacame tlen ax quitlepanitaj TOTECO.

⁵Ma huetzica ipan se hueyi pinahualistli nochi tlen quicocolíaj altepetl Jerusalén.

⁶Ma elica queja nopa xihuitl tlen nimantzi pilini huan huaqui pampa ixhuatoc ipan tlali tlen ax huejcatla.

⁷Quena, ma elica queja nopa xihuitl tlen axaca quimehua, niyon axaca quipixca itlajca pampa ax tleno ipati.

⁸Nimitztlajtlanía para niyon se tlen pano nopa fiero tlacame ma ax quintiochihuaca. Axaca ma quiijto: “Ma TOTECO inmechtiochihua.” Niyon ma ax quiijtoca: “Tojuanti timechtiochihuaj ica itequihuejcayo TOTECO.”