43Ben ga sóateza' wchaḻja' diža' da' li chio', dan' žx̱en ḻaža'a da' ẕchi'a ḻažo'o.
44Gónteza' kan ẕnna da' wnnakzo' Le'. To chi'ize góntezan'.
45Lakza' neda' dan' ži'a wnné yoe gónteza' da' wnnakzo' Le'.
46Wchaḻjkza' diža' chio' ḻawgak benne' wnná bia' ka', na' batkle yedoe'ela'.
47Yebéḻe'ekzla' gona' da' wnnakzo' Le', dan' nží'iḻe'elan'.
48Žechebe ḻaža'a gona' da' bchi'lo' neto', dan' nži'ila', na' wláb ḻaža'a ka ẕnna x̱tižo'o.
SALMOS 119
SALMOS 119:43-48