127Che ḻen neda' nží'ižela' da' bchi'lo' neto', ka ya oro, na' ka da' záka'že ka ya oron'.
128Che ḻen žekla' záka'že da' wnnó' ka yógo'te da' de, na' bi ẕḻe'ela' chawe' yógo'te da' zej naken da' wen laže'.
129Žebanlto' ka žsedle diža' chio' neto'. Che ḻen dot ḻaža'a žónteza' ka ẕnnan.
130Kate' no benne' bi gak chejni'ile' x̱tižo'o, x̱tižo'o na'kze žsa'nín' ḻe'. Ẕzejni'ilen benne' gax̱jw ḻaže' ka'.
131Wsalja' žoa'a, na' kwez ḻaža'a dan' žak ḻaža'a gónbi'a da' wnnakzo' Le'.
132Bwia neda', na' beyache' ḻaže'l neda', kan žóntezo' chegak benne' ka' zej nži'ile' Le'.
133Ben ga gónteza' ka ẕnna x̱tižo'o, na' bi go'o latje da' ẕinnj nna bian' neda'.