Salmos 119:107-116

¹⁰⁷Tayta Dios, fiyupami llaquicuycä. Palabrayqui nishanno cawachimay ari.

¹⁰⁸Gamta mañacamushäta aunimay Tayta Dios. Alli arriglar jusgashayquita musyaycachimay ari.

¹⁰⁹Wañuchimaytami munarcaycan. Chaypis yachachimashayquitaga manami gongächu.

¹¹⁰Fiyucuna mana alliman chayachimayta munaptinpis willapämashayquitami nogaga wiyacö.

¹¹¹Estatutuyquitami erensyatano chasquicushcä. Chaymi nogataga cushicachiman.

¹¹²Layniquicunata llapan shongöpa yachacuytami munä. Imaycamapis wiyacuytami munä.

¹¹³Ishcay cära runacunataga manami ricaytapis munallächu. Yachachicuyniquitami ichanga cuyä.

¹¹⁴Gammi canqui washämaj, chapämaj. Gampa palabrayquimanmi yäracö.

¹¹⁵¡Mana allita rurajcuna ñaupäpita witicuy! Nogaga Diosnëpa mandamintuntami cumlishaj.

¹¹⁶Aunimashayquino yanapämay. Chauraga masta cawashämi. Gamman yäracaycämuptëga ama mana alliman chayachimaychu.