Salmo 9:1-4

¹Ebpeselematan ku sikew, Nengazen, te ebpuun kayi te tivuuk he ǥehinawa ku. Ibpenudtul ku is langun he egkein-inuwan he menge vaal nu.

²Utew Lavew he Megbevayà, egkelipey a wey egkanta a te idalig ku kenikew.

³Emun edlepawen nu en is menge kuntada ku, ne ebpemelaǥuy sikandan he ebpemekeurambak, ne ebpemematey sikandan.

⁴Su metazeng ka he menhuhukum he ebpimpinuu ziyà te pinuuwè nu te kedhadì; midhukuman a kenikew ne zutun neehè nu is puriba he kenà a zait he edsilutan.