Salmo 96:1-5

¹Ikantaan yos Diyos si baro ay kanta, ikantaan yos sisya, amin ay ipogaw isnan daga.

²Dayawen yos sisya babaen sin kanta yo. Inag-agew ay dad-aten yo din nangisalakananan datako.

³Dad-aten yo sin nanasyon din kinangato na ya din nakaskasdaaw ay inam-amag na.

⁴Tan nangato si Diyos et lebbeng na ay daydayawen yo ay kosto, baken odom ay diyos mo adi et sisya anggoy di patgen yo.

⁵Tan din daydayawen di odom ay nanasyon isnan daga et owat sinan didiyos ay magay silbi na, ngem si Diyos pay et pinarsua na din am-in ay wadad daya.