Salmo 94:8-15

⁸Palalo sas kinaong-ong yo! Pig-an pay di kanemneman yo?

⁹Ay adi makadnge ya makaila yan sisyay nangamag si inga ya mata?

¹⁰Ay siya mo adi na dosaen din ipogaw na yan sisya met di manosa sin kailiili isnan daga? Ay magay ammo na aya yan amin ay ipogaw et sisyay mangitdo en daida?

¹¹Ammon Diyos di nemnem da, ammo na ay magay silbin di plano da.

¹²Nagasat din bagbagaam, Apo, din itdoam sin bilbilin mo,

¹³tan waday talnan di nemnem da sin timpon di ligat da enggana ay maisagana din kaot para sin mangam-amag si lawa.

¹⁴Din ipogaw mo ay Diyos yan adi ka baybay-an,

¹⁵mawadan to kasin di kinalinteg sin pangokoman, et amin ay nalinteg yan en da apolbalan.