Salmo 94:14-23

¹⁴Din ipogaw mo ay Diyos yan adi ka baybay-an,

¹⁵mawadan to kasin di kinalinteg sin pangokoman, et amin ay nalinteg yan en da apolbalan.

¹⁶Ay wada aya di sinmalaknib sin mangam-amag si lawa?

¹⁷Mo adi ka binmadang ay Diyos, nateyak koma ay nasapa.

¹⁸Idi dandani ay matokangak, Apo, inpapigsam sak-en begew sin adi manbalbaliw ay layad mo.

¹⁹Mo ad-adoy pandandanagak, wada ka ay lomiwliwa ya omiparagsak.

²⁰Adi ka met mabalin ay makikadwa sin tuturay ay baken kosto di panangokom da ay mangwani en kosto din lawa.

²¹Manbabadang da ay mamalpaligat sin nalinteg di ogali na, kedngan da ay matey din magay basol na.

²²Ngem sik-a, Yahweh ay Diyos ko, di pankamangak ya salaknib ko.

²³Ipalak-am mon to en daida di sobalit din lawa ay inam-amag da, dosaem daida begew sin basol da.