Salmo 86:5-13

⁵Tutuu he meupiya ka wey mepineseyluwen, ne utew nu mibmahal is langun he ebpengumew-umew kenikew.

⁶Pemineǥa nu, Nengazen, is ked-ampù ku; pemineǥa nu is kebpehizuhizu ku kenikew.

⁷Ebpengumew-umew a kenikew te timpu te kelised su edtevaken e man kenikew.

⁸Wazà megbevayà he iring kenikew, Nengazen; wazà minsan hentei he ebpekehimu te nengehimu nu.

⁹Edsimba kenikew is langun he menge etew ziyà te menge nasyun he midlimbag nu. Ne edeliǥen ke zan.

¹⁰Su mekeǥeǥehem ka, ne egkein-inuwan is menge vaal nu; iyan ke zà Megbevayà.

¹¹Penurua a Nengazen te paaǥi nu, ne edtumanen ku heini te kenà duwazuwa. Tevangi a he mehimu he utew hustu is kedtehuza ku kenikew.

¹²Nengazen he Megbevayè ku, edeliǥen ku sikew te kedalig he ebpuun kayi te tivuuk he ǥehinawa ku. Edeliǥen ku sikew te wazà pidtemanan.

¹³Su utew a kenikew mibmahal; midlibri a kenikew te kemetayen.