Salmo 84:7-11

⁷Ne mid-iseg pa is desen dan dutun te kedhipanew zan, taman te ziyè en is kada sevaha kandan te etuvangan te Megbevayà diyà te Zion.

⁸Nengazen he Megbevayà he Mekeǥeǥehem, he Megbevayà ni Jacob, pemineǥa nu is ked-ampù ku!

⁹He Megbevayà, peburi nu is kelasag dey he iyan is hadì dey he mibpilì nu.

¹⁰Is senga andew he ked-ubpà diyà te valey nu ne meupiya pa te nengkelibu he andew he ked-ubpà diyà te minsan hendei he lugar. Edtumuen ku is kedhithitindeg diyà te ǥemawan te valey nu, He Megbevayà, kenà is ked-ubpà diyà te valey te menge lalung.

¹¹Su sikew, is Nengazen he Megbevayà, iring ka te andew he ebpeketayew, wey te kelasag he egkehimu he pengalang. Ebeǥey ka te pebur wey zengeg. Kenè nu idsekel is minsan hengkey he meupiya ziyà te nengungubpaan he wazà duen igkesawey.