Salmo 84:5-10

⁵Utew zeyzey is menge etew he nekaangken te zesen he ebpuun diyà te kenikew, he mezesen is penganduy zan he ebisita ziyà te valey nu.

⁶Dutun te kebpekevayè dan diyà te Memaza he Suǥud, henduen be te neǥezam dan he zuen dutun menge serebseb, ne henduen be te mid-uzanan haazà su zuen dutun wahig he nengetang-el.

⁷Ne mid-iseg pa is desen dan dutun te kedhipanew zan, taman te ziyè en is kada sevaha kandan te etuvangan te Megbevayà diyà te Zion.

⁸Nengazen he Megbevayà he Mekeǥeǥehem, he Megbevayà ni Jacob, pemineǥa nu is ked-ampù ku!

⁹He Megbevayà, peburi nu is kelasag dey he iyan is hadì dey he mibpilì nu.

¹⁰Is senga andew he ked-ubpà diyà te valey nu ne meupiya pa te nengkelibu he andew he ked-ubpà diyà te minsan hendei he lugar. Edtumuen ku is kedhithitindeg diyà te ǥemawan te valey nu, He Megbevayà, kenà is ked-ubpà diyà te valey te menge lalung.