Salmo 81:9-15

⁹Kinahanglan he liyu kedì, kenè kew med-azap te zuma; kenè niw ezapa is tarù he menge Megbevayà.

¹⁰Iyan a kes Nengazen he iyan Megbevayè niw he iyan kes mibpeǥawas keniyu ziyà te Ehipto. Buyù kew kayi te kediey ne ebeǥayan ku sikiyu te menge kinahanglan niw.

¹¹Piru sikiyu is menge Israilihanen he menge etew ku, wazè kew mebpemineg wey mebpezumazuma kedì.

¹²Umbe, mibpesagdan ku sikiyu te kebmesinupaken niw, ne mibeelan niw is egkesuatan niw.

¹³Emun pezem ebpemineg kew kedì wey edtumanen niw is menge paaǥi ku,

¹⁴ne diritsu ku zà edsiluti wey edaaǥa is menge kuntada niw.

¹⁵Is menge edumut kediey, ne ebpekeluhud kedì su egkahandek. Ne wazà pidtemanan te silut dan.