Salmo 76:2-10

²Ed-ubpà sikandin diyà te Buvungan te Zion he ziyà te Jerusalem.

³Dutun he lugar mibpendezeetan din is edhagyung he menge vesut te panà te menge kuntada, is menge kelasag dan, is menge ispada zan, wey is duma pa he menge ǥumaan dan.

⁴He Megbevayà, mekeǥeǥehem ka wey utew lavew zutun te kedtupang nu puun te menge vuvungan he zutun nu penhimetayi is menge kuntada nu.

⁵Mibpen-aǥew nu ziyà te mevurut he menge sundaru is menge vutang he inaǥew zan diyà te zuma. Ne mibpematey sikandan is langun, ne wazà minsan sevaha kandan he nekehimu he egkayew te velad din.

⁶He Megbevayà ni Jacob, nemematey en is menge pereuntud te kudà wey is menge kudè dan pinaaǥi zà te kedawey nu.

⁷Mekahahandek ka, Megbevayà. Wazà ebpekehimu he edsukul kenikew emun egkepauk ka.

⁸Ebpuun te langit imbeǥey nu is kukuman nu. Ne nengahandek is menge etew kayi te kelibutan ne wazà sikandan mekekaǥi hein

⁹midhukum ka, Megbevayà, he edlibriyen nu is langun he menge edèdaaǥen kayi te kelibutan.

¹⁰Kenà duwazuwa he is kegkepauk nu te lalung he menge etew igkezeliǥi kenikew, ne kemulu pa is pauk nu.