Salmo 69:32-36

³²Malaydan din mapalpaligat mo ilaen da na, din manaydayaw en Diyos et mapapigsa din nemnem da.

³³Tan din kakkaasi, patgan Diyos din kararag da, ya adi nan baybay-an din naibabalod ay ipogaw na.

³⁴Dayawen yo si Diyos, dakayo ay langit ya daga, baybay ya amin ay manbibiyag en daida.

³⁵Tan isalakan Diyos ed Zion, din kailiili ed Juda, amagena kasin. Manbeey dan to isdi din ipogaw na et okaen da di ay daga.

³⁶Tawiden din polin di baa na, amin ay malaydan en Diyos et isdi ay mantee da.