Salmo 68:28-30

²⁸He Megbevayà, ipeehè nu is gehem nu iring te mibeelan nu ziyà te kenami zengan.

²⁹Tenged te valey nu ziyà te Jerusalem ed-uwit is menge hadì te ǥasa zan kenikew.

³⁰Dewaya nu heeyan is nasyun he iring te kumekaid he langgam diyà te meribpesen. Dewaya nu zaan is menge nasyun he iring te menge tudu he vaka duma te menge nati taman te edluhud sikandan ne idhalad dan diyà te kenikew is menge pelata zan. Ipedsusuwey nu is menge etew he igkelipey zan is kebpekidtebek.