Salmo 66:1-10

¹Sikiyu is menge etew kayi te tivuuk he kelibutan, ugyab kew ziyà te Megbevayà te kegkelipey.

²Kanta kew te kedalig kandin. Iveǥey niw kandin is dengeg pinaaǥi te kedeliǥa niw kandin.

³Keǥiyi niw sikandin te, “He Megbevayà, utew iyan egkein-inuwi is menge vaal nu. Tenged te zekelà he ǥehem nu nekeluhud diyà te etuvangan nu is menge kuntada nu.

⁴Is langun he menge etew kayi te tivuuk he kelibutan, ed-azap dan kenikew. Ne egkanta zan te kedalig kenikew.”

⁵Hendini kew, ehaà niw is egkengein-inuwan he mibpemeelan te Megbevayà diyà te menge etew.

⁶Nekehipanew is menge kepuun tew ziyà te zaǥat, su mibpengelinteuwan din he meluwis is daǥat su wey mekelepew is tanà; ne umbe edlipey kiw.

⁷Edhadì sikandin te wazà pidtemanan pinaaǥi te ǥehem din, ne ebpeniizan din is menge nasyun. Ne kenà ereg he ebpegalbu is menge mesinupaken te Megbevayà.

⁸Sikiyu is menge etew, deliǥa niw is Megbevayà. Ipezineg niw is kedeliǥa niw kandin.

⁹Edtipiǥan din is untung tew, ne wazè din ituǥut he mezeeti kiw.

¹⁰He Megbevayà, iyan tutuu is migezaman key kenikew; midhimu key kenikew he lunsey iring te pelata he midlunsey pinaaǥi te hapuy.