Salmo 63:2-10

²Neehè ku is kegkemekeǥeǥehem nu wey kegketelehuzen nu ziyà te valey nu.

³Edeliǥen ku sikew su is gaǥew nu edhuna pa he mahal kenà is untung.

⁴Ebpeselematan ku sikew te kemulu e pa uuyag. Ibayew ku is menge velad ku te ked-ampù diyà te kenikew.

⁵Egkekuntintu a iring te etew he nahantey te ǥastu. Ne ed-ugyab a is egkelipey he edalig kenikew.

⁶Ne zutun te kedhizeǥè ku ne edtentenuzan ku sikew. Ebpurungan ku sikew ed-is-isipa te tivuuk he kezukileman,

⁷su iyan ka midtavang kedì. Ne ed-ugyab a te kegkelipey zutun te kebpeeputa nu kedì diyà te kenikew he iring te kedlekupi te tagbis te menge pispis din.

⁸Mid-uvey a ziyà te kenikew, ne migewezan a kenikew su para kenà a mekeizi.

⁹Is egkesuat he edhimatey kedì ne ziyà ebpekepevayà te ubpeey te menge minatey.

¹⁰Ebpematey sikandan te tebek, ne is menge lawa zan egkeenen te leew he menge asu.