Salmo 60:4-9

⁴Piru sikami is edtahud kenikew, ebpetizeenan key kenikew su wey key mekelikey te vesut te panà te menge kuntada.

⁵Luwasa key pinaaǥi te ǥehem nu. Tevaka nu is menge kebpengemuyù dey su para melibri key is menge minahal nu.

⁶He Megbevayà, migkaǥi ka ziyà te valey nu te, “Ebpekezaag a; ebehinen ku is Shekem wey is Suǥud he Sucot ne ibpemeǥey ku ziyà te menge etew ku.

⁷Kediey is Gilead wey is Manase. Is Efraim iyan menlelavan ku, ne is Juda iyan perezumala ku.

⁸Ne suluǥuen ku mulà is Moab ne ed-engkenen ku is Edom. Ne idsegyawan ku is kegkezeeǥa ku te Filistia.”

⁹Hentei is ed-uwit kedì diyà te Edom wey ziyà te inged kayi he mibpeliǥuyan te menge verengbeng?