Salmo 5:1-4

¹Nengazen, pemineǥa nu is pengemuyù ku he egkezumahan te zag-es.

²Pemineǥa nu is kebuyù ku te tavang diyà te kenikew, he Megbevayà he hadì ku, su ziyà a te kenikew ebpengemuyù.

³Emun meselem ed-endamen ku is gehinawa ku te kebpengemuyù diyà te kenikew. Ne emun ebpekepasad e en, ne edteǥazan ku is tavak nu te hangyù ku.

⁴Sikew is tutuu he Megbevayà, ne kenè nu igkelipey is mezaat he ulaula; kenè nu edewaten is lalung he menge etew.