Salmo 59:9-16

⁹Sik-ay pantalkak ya poon di bikas ko, kaman kan makneg ay beey ay pankamangak, Apo.

¹⁰Omali ka ay bomadang begew sin adi manbalbaliw ay layad mo, ipailam en sak-en din kaabakan di kalaban ko.

¹¹Adi ka kapese en daida, Diyos ay salaknib ko, ta adi linglingan din ipogaw ko. Dosaem daida babaen sin panakabalin mo ta owat dan lomikeliked, Apo.

¹²Basol ya pag lawlawa di kalien da. Kaman da koman titit ay matagdey sin kinatangsit da, tan maetek ya makabaos da.

¹³Gapo sin bonget mo, mamingpingsan ay dosaem daida ta maammoan sin amin ay solin di daga ay iturayam din Israelita.

¹⁴Nilablabi ay mantaoli dan kalaban ko. Manngangaed da ay lomikeliked sin siyodad ay kaman dan aso.

¹⁵Kaman dan aso ay manlikliked ay man-anap si kanen da, manngisngis da mo magay datngen da ay kabsogan da.

¹⁶Ngem sak-en pay, ikankantak din bikas mo, ipigsak ay mangikanta si inagsapa sin layad mo. Tan sik-a ay Diyos et kaman kan makneg ay beey ko ay kanayon ay pankamangak sin timpon di ligat ko.