Salmo 51:1-10

¹Someg-ang ka ay Apo. Begew sin komakaman ay layad mo ya din dakdake ay seg-ang mo, ponasem paabe din lawa ay inam-amag ko

²ta say dadlon madalosan am-in ay inpaksaw ya basol ko.

³Tan ammok ay lawa di inam-amag ko et adi polos makaan dana sin nemnem ko.

⁴Madagsen kayman san basol ko ay sana, sik-a anggoy di nangamagak sina, isonga magay ipambal ko mo ibagam ay basol ko, tan pag kosto am-in din dosa ay ikeddeng mo.

⁵Apaw kayman na, tan sigod dedan ay sibabasolak, olay sin daanak pay laeng maianak.

⁶Laydem ay din nemnem ko et naimposoan ya tet-ewa, isonga idawat mo din kinasirib ay mapo en sik-a.

⁷Dalosam sak-en ta makaan basol ko, ta kamanak mankikilat ay dalalo.

⁸Ipadngem koma en sak-en di pamakawan mo ta say maragsaragsakanak ay kosto, tan kamanak namekmek sin dosa ay inkeddeng mo.

⁹Baken koma din basol ko di pag mon isisin-eng, mo adi et linisam komas sak-en.

¹⁰Baro ay nemnem di idawat mo koma, ay nadalos, baken natapian si lawa, ta say ipapasnek ko ay mansilbi en sik-a.