Salmo 44:3-7

³Baken babaen si kampilan ya bikas da di nangabakan ya nangokaan da sin ili ay sana, mo adi et din panakabalin ya seg-ang mo en daida, tan nilayad mos daida.

⁴Sik-a din arik ya Diyos ko, nangabakem din polin Jacob ay ipogaw mo.

⁵Tinokang min kalaban mi gapo sin panakabalin mo, in-gatigatin mi gapo sin panakabalin di ngadan mo.

⁶Adiak mantalek sin kampilan ya panak para sin kaisalakanak,

⁷tan sik-a di nangisalakan en dakami sin kalaban mi, sik-a di nangabak sin mangililiget en dakami.