Salmo 44:3-21

³Baken babaen si kampilan ya bikas da di nangabakan ya nangokaan da sin ili ay sana, mo adi et din panakabalin ya seg-ang mo en daida, tan nilayad mos daida.

⁴Sik-a din arik ya Diyos ko, nangabakem din polin Jacob ay ipogaw mo.

⁵Tinokang min kalaban mi gapo sin panakabalin mo, in-gatigatin mi gapo sin panakabalin di ngadan mo.

⁶Adiak mantalek sin kampilan ya panak para sin kaisalakanak,

⁷tan sik-a di nangisalakan en dakami sin kalaban mi, sik-a di nangabak sin mangililiget en dakami.

⁸Kanayon ay daydayawen mis sik-a ya man-iyaman kami si eng-enggana.

⁹Ngem nay ed wani, dinokogam dakami, inpalobos mo ay omabak din kalaban mi, yan adi kan ipango din sosoldado mi.

¹⁰Inpalobos mo ay itagtagan mi din kalaban mi, ya pinos da din sanikwa mi.

¹¹Binay-am ay peslen das dakami ay kaman karnero ay mapalti ya pansisianen das dakami ay iey sin kailiili.

¹²Nalaka di nangilakom sin ipogaw mo, maga di magon-od mo.

¹³Inilan di nanasyon sin sag-en mi din inamag mon dakami et laslasoyen das dakami.

¹⁴Nanbalinem dakami ay sis-iyekan di odom ay ili, manwegweg da ay mangoy-oyaw en dakami.

¹⁵Kanayon ay maoy-oyawak et palalo ay mabmabainak

¹⁶sin dengngek ay oyaw ya insolto ay ibagbagan di omililiget ay kalaban ko.

¹⁷Napasamak en dakami amin dana olay adi mi nilinglingan sik-a. Maga met di nilabsing mi sin intolag mo en dakami.

¹⁸Adi mi met dinokogan sik-a, Apo, tinongtongpal mi din bilin mo.

¹⁹Ngem olay mo siya di, yan binaybay-am dakami sin lugar ay pantean di mankaaangat ay animal. Dakami yan en ka binaybay-an sin kabolingetan ay kad-an.

²⁰Mo dinokogan mi komas sik-a ay Diyos mi ya nankararag kami si didiyosen di odom ay ili,

²¹sigurado ay naammoam tan ammom di nemnem mi.