Salmo 44:1-9

¹Apo, dinnge mi ay mismo din dad-at di ap-apo, ay din en ka inamag sin timpo da ed bayag.

²Babaen sin panakabalin mo, din nanasyon yan inpakaan mo, et sin ili da, insaad mo din ipogaw mo. Din nanasyon yan pinaligat mo, ngem inpasiged mo din biyag di ipogaw mo.

³Baken babaen si kampilan ya bikas da di nangabakan ya nangokaan da sin ili ay sana, mo adi et din panakabalin ya seg-ang mo en daida, tan nilayad mos daida.

⁴Sik-a din arik ya Diyos ko, nangabakem din polin Jacob ay ipogaw mo.

⁵Tinokang min kalaban mi gapo sin panakabalin mo, in-gatigatin mi gapo sin panakabalin di ngadan mo.

⁶Adiak mantalek sin kampilan ya panak para sin kaisalakanak,

⁷tan sik-a di nangisalakan en dakami sin kalaban mi, sik-a di nangabak sin mangililiget en dakami.

⁸Kanayon ay daydayawen mis sik-a ya man-iyaman kami si eng-enggana.

⁹Ngem nay ed wani, dinokogam dakami, inpalobos mo ay omabak din kalaban mi, yan adi kan ipango din sosoldado mi.