Salmo 37:32-37

³²Din managbasol et siimena din nalinteg ay ipogaw ta peslena.

³³Ngem adi baybay-an Diyos sin panakabalin di kalabana, adi na ipalobos ay makeddengan mo idarum da.

³⁴Mantalek kayon Diyos ya mantongpal kayon sisya, et mapadayawan kayo ay mangoka sin daga, ya ilaen yo din kadosaan di mangam-amag si lawa.

³⁵Waday enak inila ay lawlawa di nemnem na yan ineg-egyatan di gagait na. Dakdake ay kaiw ed Lebanon di kaiarigana ay din sidro ay kanan da.

³⁶Idi kasinak nalabas yan maga sisya, inan-anap ko ngem iwed ay maila.

³⁷Ilaen yo din matalek ya siged di ogali da, tan din naolnos ay ipogaw et omad-ado din poli da.