Salmo 37:15-19

¹⁵Ngem din kampilan da di mamse sin mismo ay awak da ya magotlo din pana da.

¹⁶Din at-atik ay sanikwan di nalinteg et nabanbanol da mo din kinabaknang di amin ay mangam-amag si lawa.

¹⁷Tan kaanen Diyos din kabaelan di ipogaw ay lawa, ngem din nalinteg pay et salsalaknibanas daida.

¹⁸Ay-ayowanan Diyos din managtongpal en sisya sin am-in ay agew di biyag da, ya din daga ay tinawid da et oka das eng-enggana.

¹⁹Sin timpon di ligat, adi dan maligatan, olay mo betil, adi dan mankolang.