Salmo 34:7-11

⁷I kasaligan Amugu Dwata munung i dad to nun klikò di Dwata, du fye falwaan ale di dad gamsasè dale.

⁸Taman tilewyu du fye teenyu sa i kafye Amuito Dwata! Too nun klehew i to glidung di Dwata.

⁹Kanlikòyu i Amuito Dwata, kdeeyu dad ton, du i dad to nun klikò di kenen tnabengan na landè gukulangla.

¹⁰Du balù i dad malbang liyun là fa tua, kulang ale di kakaanla na bitil, bay i dad to fdadong di Dwata du gusmaligla landè gukulangla di dad gufyela.

¹¹Taman fdadong gamu dini na flinge gamu dad ngàgu; na tdòta gamu smalig na likò di Amuito Dwata.