Salmo 34:13-22

¹³Addawian yo ngarud ay mankali si etek ya lawa.

¹⁴Dokogan yo din lawa ta din siged di amagen yo koma. Ipakat yo abe di kabaelan yo ay makiolnos si iib-a yo.

¹⁵Din nalinteg et bantayan Diyos daida ya dengngena din kararag da.

¹⁶Ngem kontraena din man-am-amag si lawa et ponasena amin ay kanemneman da.

¹⁷Dengngen Diyos mo mankedaw da din nalinteg si badang na et isalakana sin amin ay ligat da.

¹⁸Asag-en si Diyos sin madisdismaya, isalakana din maawanan si namnama.

¹⁹Din ipogaw Diyos et ad-adoy kapaligatana, ngem ilisin Diyos sin amin ay ligat na.

²⁰Ayowanan Diyos din ipogaw ay sana, magay magpong si olay esay tong-a na.

²¹Din am-amagen di lawa di nemnem na et say begew si kateyana. Din mangiliget abe si nalinteg et madosa da.

²²Isalakan Diyos din mansilsilbi en sisya, maga polos di madosa ay komamang en sisya.