Salmo 32:4-9

⁴Inagew ya linabi ay dinmosdosa ka, Apo, et nay ay kinmapoyak si kosto, kamanak nanling-eling-et sin man-atong ay timpo.

⁵Idi siya di, inpaammok en sik-a din basbasol ko, adiak intabtabon din lawa ay inam-amag ko. Ninemnem ko ay ipodnok am-in da na en sik-a, Apo, et laton met kayman ay pinakawan mo.

⁶Isonga am-in ay mantalek en sik-a, sik-a koma di pankararagan da sin kosto ay timpo ay maanap ka, ta mo omali di kaman layos ay problima, adi domteng en daida.

⁷Sik-a, Apo, di enak pantabtabonan et omisalakan ka sin enak panligatan, isonga ipigsak ay mankanta tan en ka omay-ayowan.

⁸“Itdoak sik-a,” say kanan di Apo, “ta say maammoam san danan ay kosto. Ipangok sik-a ta adi ka masangaw sin danan mo.

⁹Baken ka koma kaman atap ay kabayo ay siyat mabosalan asi pay omamo.”