Text copied!
CopyCompare
Is Lalag te Megbevayà - Salmo - Salmo 31

Salmo 31:6-10

Help us?
Click on verse(s) to share them!
6Utew ku egkeepesi is menge etew he ed-azap te wazà menge pulus he menge ed-ezapen, su ziyè e man mulà te kenikew medsarig, Nengazen.
7Egkelipey a su veliǥeǥawen ke man. Ne wazà mekeeles kenikew is menge elentusen ku, ne netuenan nu is menge kelised ku.
8Wazà a kenikew iveǥey ziyà te menge kuntada ku, kekenà, midlibri a kenikew te kezeetan.
9Kehizuwi a, Nengazen, su edlised e en. Nemenlevag en is menge mata ku te kedtulung ku kedsineǥew, ne mibmeluya ad.
10Layun ku zuen igkeseeng. Nepipire en he tuig is kebpeketulung ku kebpekesineǥew. Mibmeluya ad tenged te menge elentusen ku, ne henduen be te wazè en desen te menge tulan ku.

Read Salmo 31Salmo 31
Compare Salmo 31:6-10Salmo 31:6-10