3Midlibri a kenikew te kemetayen. Wazà nu ituǥut he mepatey a.
4Sikiyu is metinumanen he menge etew te Nengazen, deliǥa niw is Nengazen pinaaǥi te kegkanta niw. Deliǥa niw sikandin te kedalig pinaaǥi te kedtentenuzi niw te kegkewaǥas din.
5Su melemu egkaawà is pauk din, iyan, is keupiya zin mulà, ebpedayun te wazà pidtemanan. Egkeseeng ki emun timpu te mezukilem, piru egkelipey ki zed emun ebmeselem en.