Salmo 2:3-11

³Kanan da, “Labanen tako din turay da ta en tako makawaya.”

⁴Ngem masis-iyek si Diyos sin trono na ed daya ay manglaslasoy en daida.

⁵Pag nan yamyaman si daida et palalo di egyat da sin manpoos ay bonget na.

⁶Kanana, “Din pinilik ay ari et insaad ko ed Zion ay nasantoan ay dontog ko.”

⁷Kanan din ari, “Ibagak din bilin Diyos Apo. Kananan sak-en, ‘Sik-a din anak ko. Ed wani ay agew, ipailak ay sak-en si tatang mo.

⁸Mo mankedaw ka, amin ay nasyon et idawat ko, amin ay wadas nan daga et tawid mo.

⁹Awni et dadlon kan abaken daida, ay kaman din kalakan di kagopakan di kalamba.’”

¹⁰Isonga dakayo ay aari ya turay isnan daga, dengngen yo nan pamagbaga.

¹¹Emegyat kayo ya patgen yo si Diyos koma sin mansilsilbian yo en sisya.