Salmo 29:1-10

¹Dayawen yo si Diyos, dakayo ay wadad daya, bigbigen yo din kinangato na ya panakabalina.

²Idaydayaw yo din nakaskasdaaw ay ngadana, mandokmog kayo en sisya begew sin mankoniniing ay kinasanto na.

³Madnge din kali na sin danom ya baybay ay annawa, manakabalin si Diyos, kaman kido di kali na.

⁴Mo mankali sisya, maila din panakabalina ya din nangatongato ay turay na.

⁵Olay din mankanakneg ay sidro ed Lebanon, magotlo da,

⁶din dontog ay Lebanon ya Hermon yan papadtokena ay kaman din iyat di anak di baka.

⁷Babaen met laeng sin kali na, din kimat yan pansilapena,

⁸din lugar ay magay omili ed Kades yan ikiweg na.

⁹Pati abe din kadadak-an ay kaiw yan iwagawag na enggana ay maspak da. Sin Timplo na pay, ibogbogaw da, “Sik-a ay Diyos, madaydayaw ka!”

¹⁰Sin timpon di layos ed idi, enggay nanturturay si Diyos ay ari. Maga abey patinggan di panturturayana, tan man-ari sisya si eng-enggana.