Salmo 26:1-11

¹Nengazen, ipeehè nu he wazè ku salà, su nengungubpaan a he wazà igkesawey kedì ne mibpurung a medsarig kenikew.

²Susiya a, Nengazen; susiya nu is isip ku wey ǥehinawa ku.

³Su layun ku edtentenuzi is gaǥew nu, ne layun ku sikew ebpezumdumahi.

⁴Wazà a mebpekiduma te menge etew he limbungan wey uvag-uvag dà is menge ulaula zan.

⁵Kenà a uyun te menge kevurunan te mezaat he menge etew. Ne wazà a mulà mebpekiduma kandan.

⁶Edlùluan ku is menge velad ku he tuus te wazè ku salà. Ne edhendiyà a te pemuhatà he zutun ka ebpemuhata su ed-azap a kenikew, Nengazen.

⁷Ne zutun egkanta a te menge kentahan he para te kebpeselamat, wey edseysayen ku is langun he egkein-inuwan he menge vaal nu.

⁸Nengazen, mahal ku is baley he ubpeey nu, he iyan kes lugar he zutun egkaahà is kegkemekeǥeǥehem nu.

⁹Kenà a kenikew zèdeeti duma te menge mekesesalà, iring te menge teremunù.

¹⁰Heini sikandan, layun ebevaal te mezaat ne ebpenepian dan is duma.

¹¹Iyan, siak mulà, wazà igkesawey kediey, umbe libriya a wey kehizuwi a.