22Idsangyew ku ziyà te menge emurè ku te inged is mibpemeelan nu. Edeliǥen ku sikew ziyà te menge kevurunan dan.
23Sikiyu is edtahud te Nengazen, deliǥa niw sikandin! Sikiyu is menge etew kayì te Israel he menge kevuwazan ni Jacob, bentuǥa niw wey kehendeki niw is Nengazen!
24Su wazè din pesegdana is menge elentusen te menge egkaayuayu. Wazè din sikandan iniyuǥi, kekenà, ebpemineǥen din is kebuyù dan te tavang.