Salmo 22:1-5

¹Ani satu lingag Dabid. E Dwatagu, Dwatagu, tan duenam tmagak deg? Too agu ftabeng ge moon bay laam linge i dalonggu, na laam agu tnabeng.

²E Dwatagu, di mduh fakdo agu di ge fye tnabengam agu, bay laam agu tnabeng, di butang fakdo agu na landè kaftudgu.

³Kabay knean too ge mtiu, landè salaam. Déén ge di gumneam too mdatah, na ge i dnayen i dad tom, i bel Israél.

⁴Ge i gusmalig dad gutambulmi; smalig ale di ge na falwaam ale di kaflayamla.

⁵Tamlo ale di ge na galwà ale; smalig ale di ge na landè gugdanà nawala.