Salmo 16:1-9

¹Sik-a ay Diyos, somalaknib ka koma, tan din pankamangak et sik-a.

²Tet-ewa din inbagak ay sik-a di Diyos ko, sik-a anggoy di kapoan di siged isnan biyag ko.

³Din matalek ay ipogaw mo isnan daga, bigbigek din sigesiged ay ogali da et maragsakanak ay makikadkadwa en daida.

⁴Din mangdayaw si didiyosen, ad-ado ay ligat di en da lak-amen. Adiak maitapi en daida ay mangidaton si dada, sigaak abe ay mangibaga sin ngadan di didiyosen da.

⁵Ibilang kos sik-a, Apo, ay nabanol ay tawid ko, mapon sik-a am-in ay masapol ko. Sik-a di makaammo sin biyag kon to.

⁶Maymayat di inpatawid mo et palalo di ragsak ko.

⁷Man-iyamanak, Apo, tan bomagbaga ka. Olay sin labi et omitdo nan konsinsiya.

⁸Adiak emegyat, tan ammok ay komadkadwa ka, kankanayon abe ay bomadbadang ka.

⁹Isonga palalo di ragsak ko ya natalna di nemnem ko.